Ўзбек пахтасидан воз кечган ширкатлар сони юздан ошди

RSN вакилларига кўра, Америкадаги "JC Penny", "American Eagle", "Fruit of the Loom" каби кийим-кечак ширкатлари ҳамда Испаниянинг Zara бренди, миллионлаб болаларнинг мажбурий меҳнатини эксплуатация қилиш эвазига етиштирилган ўзбек пахтани ишлатишдан воз кечган сўнгги ширкатлардир. - Ҳозир кўпгина кийим-кечак ширкатлари ўз махсулотларида мажбурий болалар меҳнати, қуллик эвазига етиштирилган пахта бўлишини хоҳлашмаяпти. Айнан шунинг учун ҳозирга қадар юздан ортиқ ширкат Ўзбекистонда болалар меҳнатига қарши акциямизга қўшилди, - деди Калифорниядаги RSN ташкилоти раҳбари Патрисия Юревитз Озодлик билан суҳбатда Ҳозирда ўзбек пахтасидан воз кечган гуруҳлар рўйхатида 108 ширкат бўлиб, улар орасида машхур H&M, Gap, Walmart, ва шунингдек Gucci, Yves Saint Laurent каби олий брендлар ҳам бор.