Uzbek Қурултой: Ўзбек-қозоқ муносабатлари

Жума куни Тошкентда Ўзбекистон президенти Ислом Каримов қозоғистонлик ҳамкасби Нурсултон Назарбоев ўртасидаги музокаралар якунига кўра¸ икки мамлакат ўртасида "Стратегик ҳамкорлик тўғрисида"ги шартнома имзоланди. Қозоғистон раҳбари шартноманинг имзоланиши "Қозоғистон-Ўзбекистон муносабатларидаги янги саҳифани очади", дея таъкидлади. Ўз навбатида, президент Каримов келишувнинг имзоланиши Ўзбекистон билан Қозоғистон "бир-бирига рақиб эмас"лигини кўрсатади, дея таъкидлади. Президент Назарбоев Ўзбекистоннинг минтақадаги энг йирик мамлакат эканини инобатга олган ҳолда¸ икки мамлакатнинг турли масалалар бўйича "ҳамкорлик ва ягона позицияга эга бўлиши" минтақадаги тинчлик ва хавфсизликни сақлашда муҳим аҳамиятга эга эканини таъкидлади. Нурсултон Назарбоев ўзбекистонлик ҳамкасби Ислом Каримов таклифига биноан Тошкентга пайшанба куни келди.