الحياه .. الشاعره ولاء الدسوقى el7eah

لما فى يوم تكره حياتك لما تبكى َن الحياه ويبانوا البشر قصادك يبقى لازم تمشى فى إتجاه تمسك المصحف وتدعى وتأدي فرض الصلاه لما اتأخر عن ميعادي وأفضل أندب حظى اااااااااه وأسمع بعدها عن اللي راحوا واقرأ بنفسى عن الوفاه أجرى ع الرحمن وأقوله سبحانك .. الحمد لله لما فى يوم أحب حد وأعمل كل علشانه تبعدنى الظروف عنه أفضل أعيب فى الزمان وبعدها بكام يوم يظهر مع غيرى فى أى مكان وقتها نسيت إن ربنا هو الحنان ليه نسيب البشر يلعبوا بينا ليه نعيب فى الدنيا والعيب فينا ليه نسيتوا إننا إتخلقنا من تراب ليه تلهيكم الدنيا وتختاروا بإيديكم العذاب لو هنرجع بس ونقول يارب هتلاقيه على طول يسامحك مش زى البشر س : سؤال ج : جواب لما أجيب للدنيا طفل وبعدها بكام يوم يموت أبكى واصرخ كان فى حضنى فجأه راح ما سمعت صوت أفضل أشكى وأقول يارب ليه بالطفل دا ما رزقتنيش وبعدها بكام يوم أسمع عن شاب قتل أبوه بفضل السجاير والحشيش أجرى ع السجاده وأبكى بشكرك يارب إنك زى الولد دا ما إدتنيش يبقى لازم كلنا نقول يارب فاتح باب الدعوه لينا وقت ما بتنساه وترجع فى عز ضيقتك ما بتتنسيش ولاء الدسوقى