بحلم أكون معاك الشاعره ولاء الدسوقى

أنا بس عايزه أحس بالأمان وأطير معاك لفوق على جناح اليمام نسهر مع بعض ليلنا فى سكون من غير كلام تشتاق ليا حبيبى وتلمس إيدى بحنان تلمس شعري وتاخدنى جوه حضنك أنام فيه حاجات كتير جوايا نفسى أقولهالك كمان عايزاك تحب فيا تملا الدنيا عليا حب .. أفراح .. وأمانى بيدق القلب ليك ودقاته مابتخلصش وكل ما يعدي يوم حبي يذيد ما بينقصش الدنيا وانت معايا كلها حب وأمان بيتفتح فيها ورود علي صوت الكروان معاك بحلم وبحلم أكون معاك ولما أغمض عيونى أصحى على وش الملاك ألمس بإيدى خدك وأديك حبى ولا غيرى يسكن قلبك ولا غيرك يسكن قلبى حبيبى .. انت كل حاجه وكل حاجه فيا ليك أيوه انت حبيبى وحبى دا قليل عليك ما تسيبنيش من حضنك ثانيه خدنى معاك لدنيا تانيه أكون فيها انا وانت بس دنيا حبيبى غير الدنيا أنا بس عايزه أحس بالأمان الشاعره ولاء الدسوقى