بكتب لك عتاب الشاعره ولاء الدسوقى bktb lk 3tab

لما حسيت إنك نسيتنى قولت أكتب لك عتاب قولت أشرح لك حبيبى قد إيه صعب الغياب بسألك ليه حبيبى وبنتظر منك جواب قولى ليه نسيتنى وطولت فى الغياب فى قربك عايشه فى جنه وفى بعدك عايشه فى سراب فكرت إزاي أوصلك حبى قولت لازم أكتب كتاب لسه بكتب فى البدايه لقيت دموعى ملهاش نهايه كنت بطلب منك بحبى ليك تحس الحكايه دى حكايتنا مش بيت شعر وجمله ونص وقع القلم والكلام مين هيكمله قولت أكتب كلام الحب رفض القلم يسطره قولت أسأل ليه ناسينى وكنت في حيره وتوها سيبت قلمى وفكرت فيك لقيت الملايكه بيكملوها بيكتبوا كلمه بحبك وكلمه فراق بيشطبوها بكتبلك عتاب وبسأل قولي ليه الرد طال لو فكرت فى حبى ليك حاجه أبعد م الخيال ولاء الدسوقى https://www.facebook.com/WalaaElDesoki https://www.facebook.com/walaaeldesoky90/