Қызылордада 20 пәтер заңсыз коммуналдық меншікке айналдырылған

Тұрғын үй қатынастары туралы заңды белшесінен басқандар анықталды. Аймақ прокурорлары мемлекеттік тұрғын үй қорынан баспана алуға мұқтаж азаматтардың тізімін жасақтаудаолқылықтар барын әшкереледі. Тұрғын үй құрылысын дамытудың 2005-2007 жылдарға арналған мемлекеттік бағдарламасы шеңберінде салынған Набережная және Бұхарбай батыр көшесіндегі үйдің 20 пәтерібүгінде заңсыз коммуналдық меншікке алынып, қызметтік пәтерлер ретінде пайдаланылуда. Аталған үйден 4 пәтер тегін жекешелендіріліп, азаматтардың жеке меншігіне өтіп кеткен. Бұған қоса, жергілікті атқарушы билік қызметкерлерінің әрекетсіздігі салдарынан мемлекеттік бағдарлама шеңберінде салынған тұрғын үйлердің құны толық өтелмеген жағдайлары да кездеседі.