Қазақстандықтардың енді несие алуы қиындай түспек

Ал, қарызға өмір сүруге дағдыланып бара жатқан қазақстандықтардың енді несие алуы қиындай түспек. Жаңа жоба бойынша несие алу үшін жалақының мөлшері ай сайынғы банкке беретін төлемнен 2 есе көп болуы тиіс. Бүгін қаржылық секторды дамытуға бағытталған жобаны мәжіліс депутаттарына таныстырған Ұлттық банктің төрағасы Қайрат Келімбетов тағы бір қиындықтың шетін шығарды. Өйткені, екінші деңгейлі банктер қаражатын қарызға оңды-солды таратып, қадағалаусыз кетті деді. 3 триллион теңге. Қазіргі таңда Қазақстандағы төленбеген несиенің нақты мөлшері осы. Бұл қомақты қаражатты кредит алған халықтан өндіріп алу мүмкін болмай отыр. Өйткені, заңнамалық құжаттар пәрменсіз. Соның салдарынан банктер де қаражатын шектеусіз үлестіріп жатыр.