ინგა ფერაძის სოლო კონცერტი და ალბომის პრეზენტაცია-პრესკონფერენცია

1 ივლისს, თუმანიშვილის თეატრის ფოიეში ინგა ფერაძის სოლო კონცერტთან დაკავშირებით პრესკონფერენცია გაიმართა. ღონისძიებას მომღერალი, ინგა ფერაძე, საქართველოს კულტურისა და ძეგლთა დაცვის სამინისტროს ხელოვნებისა და განათლების დეპარტამენტის დირექტორის მოადგილე ირინე საგანელიძე, თბილისის მერიის კულტურული ღონისძიებების ცენტრის თავმჯდომარე ზურაბ წერეთელი და პიანისტი ნიკა ნიკვაშვილი გაუძღვნენ. საქართველოს კულტურისა და ძეგლთა დაცვის სამინისტროსა და თბილისის მერიის კულტურული ღონისძიებების ცენტრის მხარდაჭერით, 3 ივლისს, 20:00-ზე, თუმანიშვილის თეატრში, ქართველი მომღერლის, ინგა ფერაძის ალბომის პრეზენტაცია და სოლო კონცერტი გაიმართება. ღონისძიების ორგანიზატორია არასამთავრობო ორგანიზაცია “Art&Society”. კონცერტში მონაწილეობენ მოსკოვში მოღვაწე ქართველი პიანისტი ნიკა ნიკვაშვილი და სიმფონიური ორკესტრის მცირე შემადგენლობა. http://www.culture.gov.ge/ http://www.facebook.com/culturegovge http://twitter.com/#!/CULTUREgovge http://www.youtube.com/user/culturegovge http://www.flickr.com/photos/culturegovge/ http://www.myvideo.ge/?user_id=855045