АШМ «Жас маманға -- ақ жол!» акциясы өтті

Аграрылық ЖОО түлектерін ауыл шаруашылығы саласына тарту мақсатында бүгін «Жас маманға -- ақ жол!» атты акциясы өтті. Іс-шара барысында жауапты хатшы Арман Қайратұлы Евниев ауыл шаруашылығының дамуы және оның экономикалық рөлі жайында студенттерге қысқаша баяндап берді. Сондай-ақ, студенттерге орталық аппараттың құрылымы жайында, мансап өсімінің мүмкіншілігі туралы айтылды. Видеоконференц байланыс арқылы қатысқан ЖОО орындарының түлектері өз сұрақтарын қойды. Міне, осы шараға қатысқан студенттердің бірі Есімхан Алина акциядан алған әсерімен бөлісті. Алина биыл елордадағы аграрлық университетті тамамдағалы отыр.