༧ཚོགས་གཉིས་འོད་ཟེར་རིན་པོ་ཆེ།

༈ རྣམ་ཐར་གསོལ་འདེབས་དངོས་གྲུབ་ཀུན་འབྱུང་ལས། རྒྱལ་བའི་གྲུང་དུ་ཉན་ཐུས་ཀ་ཏ་ཡ། །ཟ་ཧོར་གུ་རུའི་གྲུང་དུ་བྲམ་ཟེ་མོ། །བལ་པོའི་ཡུལ་དུ་གྲུབ་ཐོབ་ར་ཛ་དང། །རྗེ་འབང་ཉེར་ལྔ་ལམ་གྲོ་ལོ་ཙཱ་བ། །རྗེ་བཙུན་གྲུང་དུ་རས་ཆུང་རྡོ་རྗེ་གྲགས། ། འབའ་རོམ་བསྟན་འཛིན་ཏི་ཤྲཱི་རས་པ་དཀར། །གུ་རུའི་ཐུགས་སྲས་འགྲོ་འདུལ་རཏྣ་གླིང་། །གསང་བདག་རྣམ་འཕྲུལ་ནག་པོ་གྲུབ་པའི་དབང་། །པདྨའི་རྗེས་བཟུང་ཨ་གྲགས་དབང་ཆེན་རྒྱལ། །མུ་ནེ་བཙན་གྱི་སྤྲུལ་པ་ག་ཎའི་མཚན། །མདོ་སྟོད་སེངྒེ་རྫོང་གི་ཉེ་བའི་ཞོལ། །རྣམ་དག་བྱང་སེམས་ལྷ་རིགས་དམ་པ་སོགས། །འགྲོ་བའི་དོན་དུ་མཆོག་གི་གཟིག་པ་ལྔས། ། སྤྲུལ་པའི་སྐུ་རུ་བསྟམ་ལ་གསོལ་བ་འདེབས། ༧ རཏྣ་གླིང་པའི་གཏེར་ལུང་དུ། ཁམས་ཀྱི་ཕྱོགས་སུ་ཐུགས་སྤྲུལ་འོད་ཟེར་མཚན། །སྡེ་སྣོད་བཀའ་གཏེར་ལས་ལ་སྤྱོད་པ་འབྱུང་། །ཞེས་གསུང་།༧ ཆོས་རྒྱལ་རྡོ་རྗེའི་ལུང་བྱང་དུ། དེ་ཚེ་བོད་ལ་བདེ་སྐྱེད་ཉི་མཐོང་ཙམ༔ ཡོང་བས་ཆོས་བདག་སྦས་པའི་རྣལ་འབྱོར་ནི༔ མུ་ནེ་བཙན་གྱི་སྤྲུལ་པ་ག་ཎའི་མཚན༔ བཀའ་བབས་ཆོས་བདག་ཡེ་ཤེས་སྤྱན་ལྡན་འབྱུང་༔