Жол апаты

Осы жылдың 14 -қаңтарында Янайкино ауылының маңында Орал- Атырау трассасында жол көлік оқиғасы орын алып, салдарынан Орал қаласының 1968 жылғы азаматы оқиға орнында жан тапсырған. Бұл оқыс оқиғаға себепкер болған 1966 жылғы азамат жол апаты болған жерден қашып, бой тасалаған. ӘПБ қызметкерлерінің шұғыл іздестіру шаралары барысында Ақжайық ауданының Чапаево ауылында көлік жөндейтін станциялардың бірінде "Мицубиси Галант" автокөлігі табылып соңынан нөмірі арқылы бұл теміртұлпардың иесі де қаламыздан табылған. Мұндай адам өлімімен аяқталған жол көлік оқиғасына себепкер болған азамат қазіргі таңда түгелдей өз кінәсін мойындаған.