Жас Барыс Д.А. Қонаевтың туғанына 100 жыл

http://tulga.kz/ толығырақ 2012 жылғы 14-16 қазан күндері Талдықорған қаласындағы «Жастар» спорт сарайында Д.А. Қонаевтың туғанына 100 жыл толуына орай қазақ күресінен 16-17 жастағы жасөспірімдер арасында «Жас барыс» республикалық турнирі ұйымдастырылды. Турнирге еліміздің 14 облысы мен Астана, Алматы қаласынан 100-ден астам жасөспірім балуандар қатысып, жеті салмақ дәрежесі бойынша бақ сынады. Айта кететін жайт, аталған турнир елімізде екі жылдан бері өткізіліп келе жатқан Қазақстан Республикасы Президентінің жүлдесі үшін қазақ күресінен «Қазақстан Барысы»республикалық турнирінің ізбасары іспеттес. «Жас барыс» турниріне іріктеу сындары да биылғы «Қазақстан Барысы» турнирінің барысындағыауылдық, аудандық, облыстық кезеңдерде жүргізілді.