Жаңа Еңбек кодексінің жұмысшылар үшін жағымды тұстары бар ма?

Зейнет жасына шыққан немесе шығайын деп жүрген жандардың назарына. Ендігі жерде жұмыс беруші зейнет жасына жеткен адаммен еңбек келісімшартын біржақты түрде бұза алады. Қазір Мәжілісте қаралып жатқан Еңбек кодексіне өзгертулер енгізу туралы заң жобасында осындай жаңашылдықтар бар. Талғат Уәли, тілші -Жаңа Еңбек кодексінің жұмысшылар үшін жағымды тұстары бар. Енді кез келген қызметкер күніне 8 сағат, ал аптасына 40 сағаттан артық жұмыс істемеуі тиіс. Сондай-ақ жыл сайынғы еңбек демалысын уақытында беру керек және ол 24 күннен кем болмауы тиіс. Бұл заңдылықты Тамара Дүйсенова өзі басқарып отырған ведомствоның қызметкерлеріне де ортақ ереже етіп бекіткен. Тамара Дүйсенова, ҚР Денсаулық сақтау және әлеуметтік даму министрі -Мен қазір өзімнің азаматтарыма 8 сағат жұмыс істеуге әрекет жасатып жатырмын. Алайда өзі осы уақытқа дейін қолданыстағы еңбек туралы ережелерді азды-көпті бұзып келгенін мойындады. Дегенмен жаңа заң жобасы күшіне енсе, 8 сағаттан артық жұмыс істемеймін деп бекініп отыр.