თორრნიკე ნაროზაული - თოვლი მოვიდა მარიამ | Torrnike Narozauli - Tovli Movida Mariam

თოვლი მოვიდა მარიამ ცისარტყელები ცეკვავენ ცისფერ და ცვრიან ცაზე, შვიდივე ფერი თეთრია, შვიდივე ფერი მშვიდი.. თოვლი მოვიდა მარიამ, თოვლი შენს გაშლილ თმაზე წვიმად იქცევა და უკან ცვრიანი ცისკენ მიდის... თოვლი მოვიდა მარ ! ქვაფენილები მღერიან ანგელოზების ხმაზე, ყველა სარკმელი თეთრია, ყველა სახლი და ქუჩა, თოვლი მოვიდა მარიამ და ჩემს მაგივრად მხარზე შემოგაფინა მკლავები... დუმხარ და თვალებს ხუჭავ... თოვლი მოვიდა მარ ! ფიფქებს წკრიალი გაუდით გულის მოგლეჯილ კარზე, მოდგა მოგვივით ზამთარი, ბავშვივით არ მიხარია, არც დალალები მიწყვია შენი დათოვლილ მკლავზე.. გესმის?! მოვიდა მარიამ, თოვლი მოვიდა მარ! ფიფქებით შემონაქსოვი ცა მოუსხია თავშალად ქარაფს რომელიც დჰყურებს გადათეთრებულ ქალაქს.. თოვლი მოვიდა მარიამ და ჩვენი კვალი წაშალა როგორ მოგძებნო როდესაც აღარ შემომრჩა ძალა.. თოვლი მოვიდა მარ ! ქარი კი ისევ ქარია და ძველებურად ქრის.. გზაზე, რომელიც თეთრია და დათოვლილი მთლიანად თოვლი მოვიდა მარიამ ცა ანგელოზებს ცრის.. თოვლი რომელმაც ძალიან,ძალიან დაიგვიანა მოსვლა შენსაბვით მარ.. თოვლი მოვიდა მარიამ ! თოვლი მოვიდა მარ!