पुणे/हैदराबाद | एल्गार परिषद : नक्षली कनेक्शनवरुन अटकसत्र

नक्षली सहभागाच्या संशयावरुन एल्गार परिषदेशी संबंधित काही जणांच्या घराची पुणे पोलिसांकडून झडती सुरु आहे. पुण्यातील एल्गार परिषदेला माओवाद्यांनी पैसे पुरवल्याचं पोलिसांनी सांगितलं होतं. त्यानंतर पुणे पोलिसांनी आता हैदराबाद, मुंबई, दिल्ली, हरियाणा, रांची या शहरांमध्ये झाडाझडतीला सुरुवात केली आहे. पुणे पोलिसांच्या सहा पथकांकडून देशातील मुंबई, दिल्ली, हैदराबाद, रांची, गोवा आणि हरियाणा या शहरांमध्ये आज सकाळपासून माओवाद्यांशी संबंध असल्याचा आरोप असलेल्या संशयितांवर कारवाई सुरू आहे.