პირველი სტუდია - ქალებზე ძალადობა

24 ოქტომბერი, 2014 23 შეწყვეტილი სიცოცხლე ერთი წლის განმავლობაში და ძალადობის 134 შემთხვევა ბოლო ექვს თვეში - ვინ არის შემდეგი; რატომ კლავენ ქალებს საქართველოში იქ, სადაც ქალის კულტია და იქ, სადაც ქვეყნის სიმბოლო "ქართლის დედაა"; რა კეთდება და რა უნდა გაკეთდეს ქალებზე ძალადობის აღსაკვეთად; რატომ დაიწყო პრობლემაზე მსჯელობა მხოლოდ ახლა საზოგადოებაში, მთავრობასა და პარლამენტში; როგორია საზოგადოების განწყობა - რატომ არის მოძალადე ქმრის დასჯა სირცხვილი და რისი ეშინიათ ქალებს; სოციოლოგიური კვლევის საგანგაშო მონაცემები; რატომ და რა მოტივით ამართლებენ ძალადობის ფაქტებს მოქალაქეები და რა გამოსავალზე საუბრობენ სპეციალისტები - კანონის გამკაცრება, პრევენციული ღონისძიებები და სამოაქალაქო განათლების დონის ამაღლება; შეძლებს თუ არა ხელისუფლება და საზოგადოება ძალადობის დამარცხებას; ძალადობა ოჯახის, მორალის, რელიგიის თუ ტრადიციების სახელით - რას ვპასუხობთ 21-ე საუკუნის ახალ გამოწვევას? პოლიტიკოსები, დიპლომატები; პოლიტოლოგები, არასამთავრობო სექტორი, ფსიქოლოგები, სპორტსმენები, ხელოვანები და საზოგადოება - რას ამბობენ კაცები და რას ფიქრობენ ქალები - ყველა მოსაზრება და ფართო დისკუსია დღეს, "პირველ სტუდიაში".