Павлодарда «Оңалту» және «Хоспис» орталықтарын ашу мәселесі қолға алынды

Алғашқы санитарлық-медициналық көмек көрсету деңгейін арттырып, әлеуметтік медициналық сақтандырумен қамтамасыз ету мәселелеріне жіті назар аудару қажет. «100 нақты қадам» – Ұлт жоспары, 5 институционалды реформасын талқыға салған жиында денсаулық сақтау және әлеуметтік даму министрінің орынбасары Алексей Цой осы мәселелерге жан-жақты тоқталды. Бүгінде барлық медициналық қызмет түрлерін модернизациялау мен жоғары технологияларды енгізіп «Оңалту» және «Хоспис» орталықтарын ашуға жіті мән беріліп отыр. Хоспистердің саны өте аз болып келгені рас. Қазіргі таңда осы бағатты жұмыстар қарқынды жүруде. Алексей Цой Павлодардағы бірқатар медициналық мекемелердің жұмысымен танысып, көкейтесті мәселелермен жеке танысты. Бұл салада ауыз толтырып айтарлық жетістіктер де бар. Мәселен инновациялық технологияларды көптен енгізген Павлодар облысының жедел-жәрдем қызметі республика көлемінде үздік деп танылып отыр.