Нега Мирзиёев нутқи тахтдаги одам нутқига ўхшайди? - BBC O'zbek

Лондонлик сиёсий таҳлилчи Алишер Илҳомов ёзишича, Ўзбекистоннинг муваққат президенти Шавкат Мирзиёевнинг Сенат ва Қонунчилик палаталари қўшма мажлисидаги нутқи 3 ой муддатга мамлакат бошқарувини ўз қўлига олган, президентлик сайловида сайланиш-сайланмаслиги номаълум сиёсатчи эмас, унинг ўзининг таъбирича, аллақачон "тахтга ўтирган" кишининг нутқидир. Ислом Каримов вафотидан кейин ўтказилган парламент қўш палаталари мажлисида Шавкат Мирзиёев Ўзбекистоннинг Каримовдан кейинги ички ва ташқи сиёсати қандай бўлиши масалаларига тўхталган. Нега сиз бу нутқни эрта ёки ўз муддатидан вақтли нутқ, деб ҳисоблайсиз, деган савол билан Би-би-си таҳлилчи Алишер Илҳомовга мурожаат қилди. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.