Нам Хамаҕаттатыгар эдэр фермер оҕуруот аһын харайар улахан тутууну саҕалаата

Хара буорга үүннэриллибит аһы-үөлү табыгастаахтык хаһааныы олохтоох тыа хаһаайыстыбатын бородууксуйата дэлэйэригэр улахан суолталаах. Нам улууһун Хамаҕатта нэһилиэгин эдэр фермерэ Александр Жирков бу сайын оҕуруот аһын кыһыннары уурар хранилищены тутан саҕалаата. Уопсайа 553 кв миэтэрэ иэннээх хортуоппуйу, онтон да атын оҕуруот аһын уурар-харайар сири арболит блоктартан оҥороллор. Хранилище икки тус-туһунан чаастаах уонна күөх төлөн ситимигэр холбоон, гааһынан сылытыллар буолуохтаах. Манна барыта тыһыынча тонна сибиэһэй оҕуруот хаһааныллыахтаах. Эһиил эдэр фермер улахан тымнытар оборудованиены уонна температураны хонтуруоллуур аппараты туруорар былааннаах. Оттон бу күһүн уопуттаах оҕуруотчут тутуу биир өттүн, ол эбэтэр 353 кв миэтэрэ иэннээҕин үлэҕэ киллэриэҕэ.