Dy shpërthime të fuqishme nga deti dëgjohen në Durrës- RTV Ora News- Lajmi i fundit-

Durrës - Dy shpërthime janë dëgjuar njëra pas tjetrës rreth orës 16:00 në zonën e Currilave në Durrës. Shpërthimet kanë qenë të fuqishme sa janë ndjerë edhe në Kavajë e Shijak. Dëshmitarë në zonë thanë se kanë parë dy avionë. Sipas policisë së Durrësit shpërthimet kanë ndodhur në det, në distancë nga bregu por kapiteneria nuk jep informacion. Deri në orën 16:28, i vetmi informacion nga policia ka qënë se shpërthimet e fuqishme kanë ndodhur në det, në një distancë të konsiderueshme. Dyshohet se janë pjesë e stërvitjes së NATO-s. Nga forca e tyre nuk bëhet fjalë për gjueti të paligjshme në det apo shpërthim të ndonjë predhe. Ato ishin tipike si gjuatjet e avionëve. Gazetari Llambi Kallço tha se “mund të jenë dy shpërthime në det që janë dëgjuar deri në zonën e Kavajës, ndërkohë që burimet nga Policia kanë bërë të ditur se ato kanë ardhur nga deti. Për më shumë klikoni në http://www.oranews.tv/