Дунё ва сиёсат: Хитой яна кимни ўта радикаллар демоқда? - BBC Uzbek

Дунё ва сиёсат: Хитой яна кимни ўта радикаллар демоқда? - Демократпараст намойишчилар парламент биносини ағдар-тўнтар қилишлари ортидан, Хитой ҳукумати гонгконглик расмийларни қўллаб чиққан. Расмий Пекин “зўравон тартиббузарларни жиноий жавобгарликка тортишга” чақирган. Хитой ҳукумати намойишчиларни “ўта радикаллар” деб атаган. Давлатга қарашли бошқа оммавий ахборот воситаларини ҳам фаолларни аяб ўтирмасликка ундаган. Гонгконгдаги воқеаларнинг ривожи Британия Ташқи ишлар вазирини ҳам беэътибор қолдирмаган. Британ вазири зўравонликларни қоралаган. Аммо масъулларни оғир-босиқ бўлиш ва одамларнинг оддий ҳақ-ҳуқуқлари ҳужум остида эканини тушунишга чақирган. Сиз-чи, Хитой ҳукуматининг бу даъватига нима дейсиз? Тафсилотлари видеолавҳамизда. Видеолавҳа Би-би-си Ўзбек Хизматининг Афғонистонга мўлжалланган телевизион янгиликлар дастури учун тайёрланган. Telegram каналимиз: https://t.me/bbcuzbekBBCUZBEK.COM билан Telegram орқали +44 7858860002 номери билан боғланинг.