Æхсæнадон змæлд «Иудзинад» ы куыст

Ирон традицитæ æмæ нæ фыдæлты рæсугъд фарн дарддæр хæссын. Уымæ абон бирæтæ тырнынц. Сæ иутæ - æхсæнадон змæлд «Иудзинад». Цы куыст кæнынц, уымæй сом дæр нæ домынц. Афтæмæй адæмæн хæссынц рухс æмæ сын тавынц сæ зæрдæтæ. Цавæр национ куыстытыл хæст сты æмæ куыд цæуынц æрыгон æрмдæсныты ахуыртæ. Уый зонынц не сфæлдыстадон къорды уæнгтæ. Таутиаты Азæйы ном зонынц канд нæ республикæйы нæ, фæлæ ма дард фæсайрæйнаг бæстæты дæр. Æхсæнадон къорд "Иудзинад"-ы куы сфæнд кодтой куклатæ аразыны ахуыртæ саразын, уæд сæ разамонæг, зæгъгæ, чи уыдзæн, ууыл бирæ хъуыды кæнын нæ бахъуыд. Азæ ацы дæсныйадыл йæхæдæг сахуыр. Куыд зæгъы, афтæмæй æрмдæсны суæвынæн сæрмагонд ахуырад хъæугæ дæр нæ кæны. Йæ куыстытæ сты рæсугъд æмæ дисы фтауынц сæ аивдзинадæй. Раст цыма ныртæккæ сæ мылытæ скусдзысты æмæ дæм исты сдзурдзысты, уыйау. Ацы æфсæддон куклайы дæргъ у 2 метрмæ ввахс. Йæ аразыныл ацыд 2 азæй фылдæр, йæ аргъ та - 500 мин соммæ ввахс. Националон кæфтытæ, цыллæ кæлмæрзæн быйын, рагон ирон инструменттæ аразын, мыдадзын куклатæ æмæ ирон фæндырыл цæгъдын. Ахæм къордтæ кусынц абон «Иудзинад»-ы. Сæ сæйраг нысан у аивадуарзаг адæм æрбамбырд кæнын. Илаты Тимуры къухæй музыкалон инструмент куыд райгас вæййы, уый бирæтæ зонынц. Ацы куысты сусæгдзинæдтæ сæдæ азты размæ дæр ма уыдысты сæфт. Цæгъдын дæр сахуыр йæхæдæг. Ныр та ахуыр кæны иннæтты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv