125 БАЛЛ МАШАҚАТЫ

Ұлттық бірыңғай тестілеудің төртінші күні 1888 түлек ең төменгі 50 балдық көрсеткішке жете алмады. Ал 9 мыңнан астам үміткердің ішінен 1400-дейі 100-ден астам балға қол жеткізген. Тестілеу басталғалы бері республика бойынша ең жоғарғы көрсеткіш 125 балды әзірге Алматылық екі мектеп бітіруші ғана еңсере білді. Ыбырай Алтынсарин атындағы №159 гимназиясының түлегі Әсия Марат Ұлттық Тестілеуден өзгелерден оқ бойы озып шыққан екінші түлек. Бастапқыда бір сұрақтан жаңылып, 124 балл алған түлек, аппелияцияға жүгініп тағы бір балл қостырып алған. Қазақ тілі пәні бойынша берілген тыныс белгіге қатысты сұрақтың қос жауабы дұрыс болып, Әсияның сынақтан сүрінбегені анықталған. Білім және ғылым вице-министрі Тахир Балықбаев бүгін ғана тест сұрақтарын сұрыптап, мың қайтара тексеріп шықтық, тестте қателік жоқ деген болатын.