Tuesday, 16 September, 2025г.
Где искать: по сайтам Запорожской области, статьи, видео ролики
пример: покупка автомобиля в Запорожье
სააკაშვილის მხარდამჭერებმა რუსთავის ციხესთან აქცია გამართეს
У вашего броузера проблема в совместимости с HTML5
რუსთავის ციხესთან მიხეილ სააკაშვილის გათავისუფლების მოთხოვნით საპროტესტო აქცია გაიმართა, რომლის ინიციატორიც „ერთიანი ნაციონალური მოძრაობა“ იყო. იხილეთ აქციის ამსახველი ვიდეო Sputnik საქართველოსგან.
საქართველოს მესამე პრეზიდენტი მიხეილ სააკაშვილი თბილისში 1 ოქტომბერს დააკავეს. სააკაშვილს, რომელზეც შიდასახელმწიფოებრივი ძებნა იყო გამოცხადებული, საქართველოში სისხლის სამართლის რიგ საქმეებზე აქვს ბრალი წაყენებული. ხელისუფლების წარმომადგენლებმა არაერთხელ განაცხადეს, რომ თუ სააკაშვილი საქართველოში ჩამოვიდოდა, მას დააკავებდნენ.
სააკაშვილს საქართველოში დაუსწრებლად განაჩენი გამოტანილი აქვს ორ საქმეზე - სანდრო გირგვლიანის მკვლელობა და დეპუტატ ვალერი გელაშვილის ცემის ფაქტი. პირველ საქმეზე მას 3 წლით პატიმრობა, ხოლო მეორეზე - 6 წლით თავისუფლების აღკვეთა აქვს მისჯილი.
გარდა ამისა, მიხეილ სააკაშვილი ბრალდებულია „ტელეიმედის“ დარბევის, 7 ნოემბრის დარბევის და პატარკაციშვილების ქონების უკანონოდ დაუფლების, აგრეთვე სახელმწიფო დაცვის სპეციალური სამსახურის კუთვნილი 9.024.367 ლარის მისი პირადი მიზნებისთვის გაფლანგვის ფაქტებზე.
გუშინ პრემიერ-მინისტრმა ირაკლი ღარიბაშვილმა სააკაშვილს კიდევ ერთი ხმაურიანი ბრალი წაუყენა და განაცხადა, რომ ყოფილი პრეზიდენტი და მისი გუნდი ქართველი ოპოზიციონრების მკვლელობასა და არეულობის პროვოცირებას გეგმავდნენ, რაშიც შემდეგ ქვეყნის ხელისუფლებას დაადანაშაულებდნენ.
Похожие видео
Мой аккаунт