Зміцер Вайцюшкевіч - Бывай, Яблонская, бывай (2006)

"Танга з ружай" Словы Уладзіміра Някляева (правапіс дарэформенны) http://www.todar.net/downloads/lyrics/tanga_z_ruzhaj.doc Бывай, Яблонская, бывай! Прабегла восень па фальварку І графіка такая ў парку, Хоць парк у раму забірай Бывай, Яблонская, бывай! Я застаюся па-за рамай Карціны, што праз дождж відна: Раяль, камін і ты адна, Стамлёная любоўнай драмай, З бакалам белага віна Апошні раз прыгубіць дай Заторгні на карціне шторы! Я кінуў свой пякельны рай, Грукоча ў ночы поезд скоры: Бывай, Яблонская, бывай! Ня стаў бакал на самы край! Сьвятло і цень дрыжаць падманна І ўсё разрывіста туманна Цалую рукі, ясна панна, Бывай, Яблонская, бывай! Ад клявіш рук не адрывай! У сьвеце, дзе вішчыць жалеза, Пранізьліва гучыць няхай Акорд апошні палянэза Бывай!