Xov xwm kub hnub 1.1.2020 | Dej nyab loj heev hauv tebchaws Indonesia

Xov xwm kub 1.1.2020 | Dej nyab loj heev hauv tebchaws Indonesia Raws li cov nom tswv hauv tebchaws Indonesia, ces twb muaj 4 tug neeg tuag hauv tuamceeb Jakarta, nyob rau thaum yuav xaus xyoo 2019 no.Muaj ntau qhov, dej puv ksiab txog 4 tshim. Tej xwm no yog tuaj hauv cov tub sojntsuam txog kev pab cuam hauv tebchaws Indonesia tuaj uas yog nag hmo hnub 1.1.2020. Dua li cov xwm uas tuaj hauv cov pejxeem tuaj, ces lawv tau hais tiag vim nag hlob thiab los ntev heevm thiaj muaj toj pob thiab ua rau ntau tug neeg tau tag sim neej lawm. Cov nom tswv hauv tebchaws no thiaj kom yuav tsum muab teem tua hauv cov zej zos uas muaj dej nag hlob thiab toj pob no thiab ibncig ntawm nroog Jakarta, uas yog muaj neeg nyob coob txog 30tr tug. Ntau tsav tsheb ntev thiab ntau tsav dav hlau tau raug muab tshem tawm. Dua li ntawd, ib txhia pejxeem kuj tau post tej duab thiab video uas lawv tej zej zos raug dej nyab txog ntua saum ruv tsev, lawv tej tsheb ham tag tag rau hauv tej av ham uas yog nrog dej tshoob los, tej plab tsheb tau cov pejxeem muab tshuab thiab caij mus cawm ib txhia uas raug dej nyab. Cov pejxeem hauv tuam ceeb Jakarta tau noj tsiab pebcaug nrog nag hlob tshaj plaws uas ib txwm tsis tau muaj dua li txij li hnub 31/12/2019, ua rau ntau txog tseem kev mus tsis tau, kev tsav tsheb tu ncua hlo tshwjxeeb yog nag hmo uas yog hmo uas lawv txais xyoo tshiab. Raws li tej xwm uas tuaj hauv pab pawg soj ntsuam dej nag thiab huab cua uas nyob hauv tuam ceeb Jakarta tuaj, lawv ntsuas tau nplaim dej thaum lub sijhawm 3teev txhais hnub 1.1.2020 ntawm qhov chaw uas lawv tso dej tawm uas hu ua Manggarai mas dej siab dua li 854cm sib piv nrog nag hmo kuj tib lub sijhawm ntawd. Nom tswv hauv lub nroog no tau tshaj tawm ceev li ceev tau txog kev plomsij qhev thib 2 los ntawm nag thiab dej hlob. Dua li lub qhovroooj tso dej tawm uas hu ua Jembatan Merah, Ciliwung kuj tau tshaj tawm hais tiag dej puv tuaj siab tshaj plaws uas lawv tsis tau pom dua yuav siab txij li ziag no. Tagnrho cov qhovrooj tso dej tawm hauv tuamceeb Jakarta puavleej puv tuaj siab kawg nkaus ib yam nkaus li thiab.