"Сарыарқа" тобы "Бойжеткен"

Қазақ эстрадасында cазды әрі салмақты әндерімен белгілі «Сарыарқа» тобы бірер күн бұрын жаңа бейнеклиптің тұсаукесерін өткізді. Қанат Сембеков пен Айдар Байдилдиннің дуэті тыңдармандарына осымен үшінші бейнеклипін ұсынып отыр, деп хабарлайды BNews.kz тілшісі. Астанада өткен бейнеклиптің тұсаукесеріне «Сарыарқа» жігіттерінің ардақты аналары, білім беріп, жол сілтеген ұстаздары, топ қоржынындағы әндердің авторлары, сахнадағы әріптестері әрі өмірдегі дос-жарандары жиналып, тұсаукесер рәсімін естен кетпес салтанатты кешке айналдырды. Қайрат Баекенов, Ерлан Көкеев, Ардақ Балажанова, Құрмаш Маханов, Қанат Жүнісов, Әкім Ысқақ, Қалқаман Сариндер Айдар мен Қанатты құттықтай келе, бейнеклипке жоғары бағасын берді. Бейнебаян қазір отандық «Гәкку» телеарнасында көрсетіліп жатыр.