Сан хьоме Нана.

Сан хьоме нана, сан ирсан серло Ца хилча йиш йоцу дахаран седа Яхалахь тхуна хьо малх санна къегаш Сан деган нур хилий яхалахь Нана Дуьненан меха хьо хета сан Нана! Доьзало дог хьостуш ехийла Нана! Хьуна мел ца товш дерг дуьтур ду Нана! Хьожур ву, ницкъ мел бу хьан сий деш, ваха Ненан сий ца дийриг Далла ца веза, Ткъа муха лардийр дац шен ненан сий? Ненан сий мел динарг хир ма ву декъал. Сий делаш, накъостий, хьомсарчу Ненан! Вайн вовшийн вуонашкахь цкъа а ма гойла! Дуьненчохь мел еха хьо ирсе хуьлда ! Нагахь ас дог дохош дош аьллехь хьайга , Къинтера ялалахь, сан хьоме Нана! Даггара баркалла со вина Нана Яхалахь тхуна тхан дахар къагош Дала, хьан дог хьостуш, ирсе хьо йойла, сан хьоме Нана!