اعراض حساسية اللاكتوز عند الرضع و الاطفال و علاجها

? فيه اطفال لما يشربوا اللبن حتي الرضاعة الطبيعية أو ياكلوا منتجات ألبان يجيلهم مغص و انتفاخ و غازات و إسهال و إلتهابات في منطقة الحفاضة ? سمعتوا قبل كده عن مرض في الأطفال اسمه حساسية اللاكتوز عند الرضع او الاسم الصحيح "عدم تحمل اللاكتوز؟ ? مقدمة : ▪️ اللبن و منتجات الألبان فيها نوع طبيعي من السكر اسمه سكر اللاكتوز (سكر اللبن) السكر ده فيه انزيم مخصوص موجود في الأمعاء اسمه (انزيم اللاكتيز) مهمته هضم سكر اللاكتوز عشان نقدر نهضم سكر اللاكتوز الموجود في اللبن و منتجات الألبان و الجسم يمتصه و يستفيد منه ▪️فيه بعض ناس بيتولدوا عندهم نقص في انزيم اللاكتيز الموجود في الأمعاء و ده ينتج عنه عدم القدرة علي هضم و امتصاص اللاكتوز في الأمعاء و ينتج عن ذلك تراكمه في الأمعاء و تخمره عن طريق البكتيريا النافعة الموجودة بالأمعاء و ينتج عن ذلك غازات بالبطن و انتفاخ شديد ثم تتخلص الأمعاء منه مسببة اسهال حمضي قد يكون كريه الرائحة و عادة ما يسبب تسلخات لجلد الطفل في منطقة الحفاضة و حول فتحة الشرج ▪️تختلف شدة الأعراض حسب درجة نقص انزيم اللاكتيز بالأمعاء ففي حالة غيابه تماما تكون الأعراض شديدة جدا اما في حالات النقص البسيط او المتوسط لانزيم اللاكتيز تكون الأعراض بسيطة او متوسطة و تتحسن بمرور الوقت ? طب ايه الحاجات اللي فيها سكر اللاكتوز عشان نبعد عنها او نقلل منها ؟ 1️⃣ لبن الام 2️⃣ اللبن الجاموسي و لبن الأغنام و الماعز 3️⃣ منتجات الألبان (الجبنة و القشطة و الزبدة و الزبادي....) ? ايه أسباب عدم تحمل اللاكتوز ؟ 1️⃣ سبب خلقى : يعنى الطفل مولود كده عنده نقص في انزيم اللاكتيز الموجود بالأمعاء 2️⃣ سبب مكتسب : يعنى الانزيم كان موجود و حصل حاجة ادت لنقصه او اختفائه مثل النزلات المعوية و ساعتها بيكون الأعراض مؤقتة بتختفي بعد زوال السبب و عشان كده ساعات بنوقف اللبن و منتجات الألبان أثناء التزلات المعوية للأطفال وبعدها بفترة بسيطة ? أعراض عدم تحمل اللاكتوز : ▪️بالنسبة لعدم تحمل اللاكتوز الخلقي ? 1️⃣ اسهال بدون سبب واضح لاكثر أسبوعين متواصلين 2️⃣ مغص و عياط وصريخ مستمر عند الرضاعة وبعدها 3️⃣ غازات وانتفاخات خاصة بعد الرضاعة بالرغم من العلاج والتكريع بعد الرضاعة 4️⃣ تسلخات حول فتحة الشرج و في منطقة الحفاضة لا تستجيب للعلاج وذلك بسبب حموضة البراز 2️⃣ تحدث الأعراض عند تناول اللبن او منتجات الألبان خاصة أثناء أو بعد النزلات المعوية ⛔ بعض الأشخاص يعيشون طوال حياتهم يعانون من عدم تحمل اللاكتوز و مغص و انتفاخ و اسهال بدرجات متفاوتة حسب شدة الحالة ? التشخيص : ▪️يكون من التاريخ المرضى للطفل يكون عادة طفل عنده اسهال لمدة طويلة (اكثر من اسبوعين) و مغص و انتفاخ شديد و غازات و تسلخات في منطقة البامبرز و قد يكون هناك تاريخ مرضى لعدم تحمل اللاكتوز في الأسرة أو العيلة و أحيانا ممكن نعمل فحص حامضية البراز (Stool PH) للتأكد من التشخيص ? العلاج : ▪️ العلاج و المتابعة يكون عن طريق طبيب الأطفال فقط بعد فحص الطفل و التأكد من التشخيص و تحديد شدة الحالة (بعد فحص الطفل مش بالكلام فقط) 1️⃣ لو الطفل بيرضع طبيعي فقط ▪️لو الحالة بسيطة ⬅️ تمنع الأم المرضعة من اللبن و منتجات الألبان و تستمر الرضاعة الطبيعية مع متابعة الأعراض و نمو الطفل وطبعا لازم الأم تاخد كالسيوم و فيتامين د ▪️لو الحالة شديدة ⬅️ لازم نوقف الرضاعة الطبيعية و نعطي لبن صناعى خاص (خالي من اللاكتوز) مثل لبن Babelac FL أو Aptamil LF 2️⃣ لو الطفل بيرضع صناعى فقط ⬅️ نبدل اللبن بلبن خالى من اللاكتوز زى Babelac FL أو Aptamil LF 3️⃣ لو الطفل بيرضع طبيعي وصناعى ▪️لو الحالة بسيطة ⬅️ نمنع الأم من اللبن و منتجات الألبان و نكمل رضاعة طبيعي ونبدل اللبن الصناعى بلبن خالى من اللاكتوز ▪️ لو الحالة شديدة ⬅️ نوقف الرضاعة الطبيعي و نعطي لبن خالي من اللاكتوز 4️⃣ في حالات شديدة جدا بنحتاج ناخد الانزيم الناقص ده في صورة دواء اسمه Lactaid chewable tab (حسب وصف الطبيب فقط) ⛔ لما الطفل يكبر و يبتدي ياكل بيبقي ليه نظام غذائي مخصوص لادخال منتجات الألبان و معظم الحالات بتتحسن تدريجيا كل ما الطفل كبر و لكن هناك بعض الحالات القليلة تظل تعاني من عدم تحمل اللاكتوز مدي الحياة ? المتابعة : ▪️مهمة جدا جدا عشان متابعة الوزن والأعراض لأنها الأساس اللي بنحدد بيه نجاح خطة العلاج ❤️ من الآخر اسهال مستمر لمدة طويلة بدون سبب واضح مع مغص و انتفاخ و تسلخات لازم نشك في حساسية اللاكتوز و نتوجه لطبيب الأطفال لفحص الطفل و التأكد من التشخيص ووضع خطة علاج مناسبة لحالته و متابعته ⛔ حساسية اللبن حاجة تانية مختلفة عن عدم تحمل اللاكتوز و دي اعراضها بتكون اسهال و ترجيع و مغص و معاها كحة شديدة و خنفرة و طفح جلدي في الجسم و ممكن براز معاه دم و لسه هتكلم عن حساسية اللبن ان شاء الله في فيديو قادم ✅ شير و فيد غيرك ? ? ماتنسوش تشتركوا في القناة و تدوسوا علي زرار الجرس ? عشان يوصلكم كل الفيديوهات الجديدة اللي تخص صحة أطفالكم أول بأول ? ? لينك القناة للاشتراك??? https://tinyurl.com/You-tube-Dr-Desoki ? صفحة طبيب اطفال د/ محمد دسوقي علي فيسبوك ? https://tinyurl.com/Facebook-Dr-Desoki ? لينك جروب عيادة د/ محمد دسوقي علي الفيسبوك ? https://www.facebook.com/groups/153661961903173/ #اعراض_حساسية_اللاكتوز_عند_الرضع #علاج_حساسبة_اللاكتوز