Qedir Xum bayrami 2017

10 sentyabir 2017 Qedir Xum Bayrami hicrətin 10-cu ilində Həzrət Məhəmməd Peyğəmbər (s) Allahın buyuruğuna müvafiq olaraq Həzrət Əlini (ə) canişini təyin edib və müsəlmanların imamı olduğunu elan edib. Məsumlarımız bu günə xüsusi əhəmiyyət verərək buyurublar ki, Qədir-Xum günündə qüsl almaq, təzə libaslar geyinmək, ətir vurmaq da çox bəyənilən işdir. Bir-biri ilə görüşən zaman bu duanı oxumağın böyük savabı var: "Əlhəmdu lillahilləzi cəələna minəl-mutəməssikinə bi-vilayəti Əmiril-mumininə vəl-əimməti əleyhimus-səlam" (Tərc: "Həmd olsun Allaha ki, bizi Əmirəl-mömininin və imamların vəlayətinə bağlananlardan etdi"). Həzrət İmam Sadiq (ə) Qədir-Xum gününün orucunu altmış mübarək ayın orucuna bərabət hesab edib. "Məfatihul-cinan" kitabında Qədir-Xum gününün orucunun 60 illik günahları sildiyi, bir ömürlük oruca, 100 həccə və 100 ümrəyə bərabər olduğunu yazıb. Bu gün İmam Əlinin (ə) məzarını ziyarət etməyin hədsiz savabı var. İmamlar öz səhabələrinə tövsiyə edirdilər ki, imkan daxilində Qədir günündə özlərini Nəcəfə yetirib Həzrət Əlinin (ə) məzarını ziyarət etsinlər. Əlbəttə, buna imkanı olmayanlar ziyarətnaməni uzaqdan da oxuya bilərlər. Xüsusilə, dua kitablarında qeyd edilən "Əminallah" ziyarətini vətəndə də oxumaq olar. Təsadüfi deyil ki, xalq arasında Qədir-Xum gününə seyidlərin bayramı deyirlər. Bu gündə seyidləri təbrik etmək, onlara kiçik də olsa hədiyyə almaq, ümumiyyətlə bir-birinin görüşünə getmək, möminlərin qəlbini sevindirmək tövsiyə edilib.