Policia kap 441 kg kanabis, heroine dhe 75 granata

Policia e Beratit ka sekuestruar një sasi prej rreth 450 kilogramësh drogë të llojeve të ndryshme si dhe 75 granata ofensive e defensive. Në kuadër të operacionit “Kalaja”, policia gjeti në banesën e 47-vjeçarit L.B. “441 kg lëndë narkotike cannabis sattiva e përpunuar në formën e çokollatës, 2.5 kilogramë lëndë narkotike e dyshuar heroinë dhe një sasi e vogël lëndë narkotike e dyshuar kokainë.” Në të njëjtën shtëpi, në lagjen “13 Shtatori”, policia gjeti edhe një arkë me 35 granata ofensive dhe 40 difensive. Policia po punon për kapjen e 47-vjeçarit, i cili akuzohet për “Prodhim dhe shitje të lëndëve narkotike” dhe “Mbajtja e armëve dhe municioneve ushtarake”. /tvklan.al