ОРТИК ОТАЖОНОВ ХОТИРАСИГА БАГИШЛАНАДИ

Ўзбекистон халқ артисти Ортиқ Отажонов вафот этди. Ижодкор Ўрикзор даҳасидаги Саид Ваққос Ота қабристонига дафн этилди. Ортиқ Отажонов 1947 йил 30 январь куни Хоразм вилояти Боғот туманида туғилган. Ўзбекистон (1991 й.), Туркманистон ва Қорақалпоғистон (1993 й.) халқ артисти. Урганч мусиқа билим юртини (рубоб синфи бўйича, 1967 й.) ва Тошкент маданият институти (1980 й.)ни тугатган. Миллий ашулачилик йўлларини Комилжон Отаниёзов, шунингдек, А.Отажонов, М.Мирзаев, Г.Раҳимова, О.Иброҳимов ва С.Собировлардан ўрганган. Ўзбек давлат филармонияси, “Лазги” ансамблида хонанда (1968-81 йиллар), “Лазги” ансамблининг бадиий раҳбари бўлган. Репертуаридан Хоразм мумтоз ашулалари (Феруз I,II, савтлари билан ”Чапандози Сувора”, “Хоразм Дугоҳи” ва б.), куйини ўзи басталаган асарлар (“Зеболаниб келибсиз”, “Она диёрим”, “Хоразм фарзандиман”,”Орол дарди”, “Сенинг кулишларинг”, “Ибияй”, “Бошқача” ва б.), шунингдек, афғон, туркман, озарбайжон, рус, араб қўшиқлари ўрин олган. Ижролари 2 грампластинка, Ўзбекистон радиоси фонотекасига ёзилган. Paparazzi.UZ марҳумнинг оила аъзолари ва яқинларига чуқур ҳамдардлик изҳор этади. подпишись на канал http://bit.ly/paparazziuz Одноклассники https://ok.ru/paparazziuz Вконтакте https://vk.com/paparazziuz Telegram http://telegram.me/paparazziuz