نق فليكس ٤٧: بالمؤتمر العالمي لاضطهاد المسحيين جبران باسيل يضطهد الثوّار اللبنانيين.

إعداد وتقديم: د. #هادي_مراد انتاج #لبنان_الجديد إخراج : #ياسر_الجوهري WWW.newlebanon.info جبران باسيل وات اباوت يور فرست اوسكار... ولي انت عم تحكي شعر؟ ما بكفي تعديت على بواخر كهربا لبنان وعلى خارجيتو وعلى قصرو الجمهوري جايي عم تتعدى على أرقى انواع الفنون الشعر؟؟ يا عمي إنت ما شبعت توليع فتن بالنفوس؟ مين انت لتحكي عن ربيعنا وتنعتو انو صار شتاء حالك ربيعنا للي عم نصنعو بأيادي الثوار وقلب الأمّهات للي حرقوا دين الفتنة مبارح وانت كنت ناوي تشعّلا إنت وحليفك بعين الرمانة مبارح؟ It starts colorful and it becomes dark, والله ما حدا غيرك مسوّد العيشة بلبنان يا صديقي للأسف، من ورا فكرك العمي عن مصلحة الوطن والمشغول بمصلحة نفسك وتوزيرك وتولّيك الكراسي؟ لك اصلًا كيف بيستقبلوك بهيدا المؤتمر الانساني العالمي لاضطهاد المسيحيين وانت اضطهدت حقوقن بلبنان لدرجة انشقّوا عنك وسقّطوك بليلة ما فيها ضو قمر... بدل ما تروح تحكي عن حاجة المسيحيين وانو المسيحيين بدن سلام وما بدن عصي وحجار تنكب عليهن عالرينغ وبمناطق شرف بلبنان رايح تقول عنا إنو قطّاع طرق يا جبران... نسيت مين كان يقطع طريق وخرب الدني مشان مطلب شخصي على مدى ٦ سنين مش مشان مطلب شعب؟ عم تتشطار على شباب الثورة بمؤتمر دولي الشباب للي مستعدين يدفعوا دم ليشتروا حقوقن بوطنن بوقت انت بعتن وبعت الوطن... عنجد موقفك اديش ما بتنحسد عليه وكل وزراء خارجية الدول الراقية عم تطلع عليك انت وجايي تهين شعبك بوقت الدني كلا متعاطفة معو، يا عيب الشوم، كنّا منتمنى انو بآخر ايام الك بوزارة الخارجية تحسّن شوي صورتك ت عالقليلة نحسبللك خط للرجعة... بس انت مصر تفل بone way ticket لان لبنان يا جبران ما عاد الك، صار النا نحن.