Монголын Ногоон нам ураны хайгуулын талаар санал асуулга явууллаа 140311

Сүүлийн хэдэн өдрүүдэд Монголын Ногоон Намын зүгээс Монгол улсад ураны хайгуул болон ураны төслүүдийг зогсоохыг шаардан, Монголоос уран экспортлох асуудлаар Чингис хааны талбайд тайван жагсаал цуглааныг зохион байгуулж байгаа. Тэгвэл өнөөдөр тэдний Чингис хааны талбайд болж байгаа арга хэмжээг зогсоохоор цагдаагийн албан хаагчид оролдсон боловч хүчнийхэн хүчин мөхөсдлөө. Учир нь МНН-ын дарга О.Бум-Ялагч Чингисийн талбай дээр хэвтэн цагдаагийн шаардлагыг эсэргүүцсэн юм. Хэдийгээр цагдаа нар түүнийг хүч хэрэглэн авч явах гэсэн ч энэ үеэр хэвлэл мэдээллийнхэн олноороо ирсэн тул тэдний нүдэн дээр цагдаа нар хүч хэрэглэж чадсангүй бололтой.