Моладзевы хор "Вісон" - Алена Атрашкевіч “Гой, цымбалы”, на словы Ганны Рубацкай

Верш Ганны Рубацкай* (са зборніка “Вяночкі для Радзімы”). Чытае мастацкі кіраўнік Алена Высоцкая. Алена Атрашкевiч, Харавы цыкл на словы Ганны Рубацкай: №3 “Гой, цымбалы”. Салісты: Ірына Марозава (цымбалы), Алеся Хажавец (флейта) , Iлля Целеш i Мiхаіл Сугака (ударныя). У аўдыё-кампазiцыi гучыць верш са зборніка “Вяночкі для Радзімы”, укладальнікам якога з’яўляецца ўнучка паэткі Людміла Камінская. Яе сяброўства з кампазітарам Аленай Атрашкевіч дало жыццё цудоўным песням на вершы айчыннай паэткі Ганны Рубацкай. *Ганна Рубацкая (1900-1993) – таленавітая паэтка, захавальніца беларускай песеннасці, з вуснаў якой запісана каля сотні ўзораў; аўтар, чыя творчасць прасякнута замілаванасцю да роднай старонкі, беларускай вёскі, прыроды і людзей. Прайшоўшы вайну, не раз страціўшы ў агні ўласную хату, узрасціўшы дачок, на 54-ым годзе жыццёвага шляху Ганна Рубацкая пачала пісаць вершы, а таксама апавяданні і байкі. Усе творы паэткі напісаны на беларускай мове, яны вучаць дабрыні і любові, пашане і адданасці свайму, роднаму: людзям, зямельцы, мове” (В. Гіруць-Русакевіч).