Мирзиёев энди Хитой зулмига қарши Америка тарафга ўтадими? Ўзбекистон - O`zbekiston

Қозоғистон ва Ўзбекистонга келган АҚШ Давлат Котиби Хитойдаги мусулмонларга қарши зулмни тезда тўхтатиш учун барча давлатларни Америка тарафига ўтишга чақирди. Қозоғистонда гапирган Майк Помпео Хитойдан қочиб чиққан мусулмонларга бошпана берилиши ва ҳимоя қилиниши кераклигини таъкидлади. Вашингтон вакили шундан кейин Ўзбекистонга келаркан, Хитойнинг Тошкентдаги элчихонаси кескин баёнот билан чиқди. Пекин ваколатхонасига кўра, Майк Помпео айнан Хитой ва Марказий Осиё давлатлари ўртасида низо қўзғамоқчи. Бироқ Хитой вакилларининг бу баёнотидан англашилишича, АҚШ Давлат Котибининг Ўзбекистон ва Қозоғистон раҳбарлари билан ўтган учрашувлари тафсилотларидан Пекин дипломатлари аслида тўлиқ хабардор эмаслар. Ўзбекистон икки йирик давлат ўртасидаги "қандайдир рақобатнинг исталмаган оқибатларини ўзида ҳис қилишни истамаслигини" билдирди. Аммо айни ҳолат ўзбеклар ва қозоқларга боғлиқми ёки АҚШ билан Хитойга, деган савол ўртага чиқиши мумкин. Ҳамда сўнгги эҳтимол қанчалик жиддий ё реал? BBC News O'zbek - BBC News O'zbek tilida, onlayn, TV va ijtimoiy tarmoqlarda