মাৰ্ঘেৰিটাত শ্ৰীমন্ত শঙ্কৰদেৱ সঙ্গৰ বাৰ্ষিক অধিৱেশনৰ সফল পৰিসমাপ্তি : Srimanta Sankardev sangha

মাৰ্ঘেৰিটাত শ্ৰীমন্ত শঙ্কৰদেৱ সঙ্গৰ বাৰ্ষিক অধিৱেশনৰ সফল পৰিসমাপ্তি… হৰিনামৰ ধ্বনিৰে মুখৰিত হল ৰামনগৰ অঞ্চল মাৰ্ঘেৰিটা মহকুমাৰ ৰামনগৰত শ্ৰীমন্ত শঙ্কৰদেৱ সঙ্গৰ মাৰ্ঘেৰিটা শাখাৰ প্ৰথম বাৰ্ষিক অধিৱেশনৰ আজি সফল পৰিসমাপ্তি ঘটে ৷ অসম অৰুনাচল সীমান্তৰ ৰামনগৰ প্ৰাৰ্থমিক শাখাৰ উদ্যোগত দুদিনীয়া বৰ্ণাঢ্য কাৰ্যসূচীৰে শুভাৰম্ভ ঘটা অধিৱেশন খনিত আজি অন্তিম দিনা ৰাইজৰ অভূতপূৰ্ব সহাৰি দেখাৰ পৰিলক্ষিত হয় ৷ ৰামনগৰ প্ৰাৰ্থমিক শাখাৰ গুৰুগৃহৰ প্ৰাঙ্গণত অনুস্থিত হোৱা অধিৱেশন খনিত শ্ৰীমন্ত শংকৰদেৱ সংঘৰ আঞ্চলিক আৰু জিলা শাখাৰ বহুকেইজন ধৰ্মপ্ৰান ব্যক্তি উপস্থিত থাকে ৷ আজি অধিৱেশনৰ অন্তিম দিনা শ্ৰীমন্ত শংকৰদেৱ সঙ্গৰ শতাধিক ভক্তপ্ৰান ৰাইজে হৰিনামৰ ধ্বনিৰে মুখৰিত কৰি তুলিলে সমগ্ৰ অঞ্চল ৷ ভক্ত প্ৰাণ ৰাইজৰ সমাগমেৰে উদুলি মুদুলি হল অসম অৰুনাচল সীমান্তৰ ৰামনগৰ অঞ্চল ৷ ? দূৰ্গেশ্বৰ দত্ত" ৰ সভাপতিত্বত অনুষ্ঠিত হোৱা মুকলি সভাত " ৰাম নাম মহাৰত্ন" শীৰ্ষক এখনি স্মৃতিগ্ৰন্থ উন্মোচন কৰা হয় ৷ গ্ৰন্থখনি উন্মোচন কৰে লিডুৰ বিশিষ্ট সাংবাদিক হেমন্ত গগৈয়ে ৷ ? মুকলি সভাত লিডুৰ লগতে মাৰ্ঘেৰিটাৰ বহুকেইজন বিশিষ্ট ব্যক্তি উপস্থিত থাকে ৷ ? নিশালৈ কন কন শিল্পী সকলৰ দ্বাৰা "ভাওঁনা " মঞ্চস্থ কৰা হব বুলি উদ্যোক্তা সকলে জানিবলৈ দিয়ে ৷ মাৰ্ঘেৰিটাৰ পৰা উজ্জ্বল চৌধুৰীৰ প্ৰতিবেদন Times Guwahati… #timesguwahati #ramnagar