Sunday, 14 September, 2025г.
Где искать: по сайтам Запорожской области, статьи, видео ролики
пример: покупка автомобиля в Запорожье
الحرب لسه في اول السكة ( اتفجري يا مصر ) زين العابدين
У вашего броузера проблема в совместимости с HTML5
قصيدة كتبها الشاعر زين العابدين فؤاد
يوم 8 اكتوبر 1973 .. و كان وقتها مقاتلا على الجبهة
كلمات القصيدة :
الفلاحين بيغيروا الكتان بالكاكي
و يغيرو الكاكي بتوب الدم
و بيزرعوك يا قطن و يا السناكي
و بيزرعوك يا قمح زرعة علم
و بيدخلوكي يا حرب فحم الحريقة
و بيزرعوكي يا مصر شمس الحقيقة
و إنت ميدان الحرب سينا البداية
إنت جنينة الصلب و النصر راية
إنت البكا و الغلب إنت الرحاية
إنت البارود و الحب و الحرب جاية
غنوا التلامذة الصبح للحرية
الفلاحين ضموا غيطان القمح
رفعوا الرايات بالفجر متندية
رفعوا السنابل بنادق
عبوا البنادق بارود
الرملة قادت حرايق
و النار في دم الجنود
و الحرب زي جناين الحرية
مهرة و مالهاش حدود
و الحرب لسة في أول السكة
إتفجري يا مصر
إتفجري بالحرب ينفلق النهار
إتفجري بالحرب ضد الجوع و القهر
ضد التتار
و إتسلحي بالحرب للحرية
و إتفتحي وردة بدم و نار
إتجمعي من ألف صرخة و ضحكة
و الحرب لسة في أول السكة
زين العابدين فؤاد
Похожие видео
Мой аккаунт