La Bamba - Zèk neet det ich neet kin gaon - LVK 2015

Zèk neet det ich neet kin gaon - La Bamba - Teks: Ron Roemen - Meziek: Joep Servais/Ron Roemen Zèk taengen eine Limburger neet det d'r mit de vastelaovendj mót wèrke. Det is vloke inne kèrk! TEKS: ‘t Is get mèt die 24-oers ekenemie Hèls doe van vastelaovendj, wuuers doe daovan neet blie Es de baas zaet: “Doe mós wèrke, dit jaor kins doe neet gaon” “Mer baas mien vastelaoveshert begintj noe net te slaon” Oooooh-hey Lalalalalala Ich bön de allerieëste dae oppe dansvloer sprink Dae baove oppe taofel vastelaovesleedjes zink ’t Fieës kump neet op gang?! Waem brink stumming inne boet? Waer ich gevraog es prins dan zèk ich: “Jao, roop mich mer oet!” Ed’re vastelaovendj weer toet de kneen in ‘t plezeer Refrein: Zèk neet det ich neet kin gaon Zèk neet doe mós euverslaon Det kin se toch neet make Det is vloke inne kèrk Zèk neet det ich neet kin gaon Zèk neet doe mós euverslaon Det kin se toch neet make ‘t-Ganse jaor hieveur gewèrk Ich wil veule, ich wil preuve, ich wil ruke, ich wil zeen det ’t vastelaovendj is En ich wil geine daag, nae gein oer, gein menuut, gein sekond höbbe gemis Oooooh-hey ‘ch-Verheug mich oppe optoch en waem haet nummer ein? Dit jaor es dansmerieke, miense kiek ‘ns nao mien bein Waem huitj de dieke tróm bie de zate hermenie? Duitj oppe bóntje aovendj gans allein ‘n parodie? Ed’re vastelaovendj weer toet de kneen in ‘t plezeer Refrein Lalalalala Refrein Nae ich wil nieks…höbbe gemis