كب كيك الميكرويف ببيضة واحدة 6 أكواب من الكيك في الميكرويف هش و كيك المج ف الفرنcupcakes microwave

( طريقة كب كيك الميكرويف هش و خفيف جدااا و كيك المج ف الفرن العادي) نحط ف بولة صغننة بيضة ( 56 جرام) و عليها فانيليا و عليها 80 جرام سكر ناعم الحبيبات ( 4 معالق كبار) و نضرب بالمضرب الكهربا لحد ما الخليط يبقة لونه فاتح و ينفش وقتها نضيف عليهم 100 جرام حليب سائل ( 5 معالق كبار) و 60 جرام زيت ( 4 معالق كبار) و 82 جرام دقيق ( 5 معالق كبار و نص ) و 20 جرام كاكاو خام ( معلقتين كبار) و نخفق بالمضرب الكهربا بس مش كتير مجرد ما يختلط الخليط نفصل المضرب و نضيف 5 جرام بيكنج بودر ( معلقة صغننة) و نخلطها براحة مع الخليط و نضيف 7 جرام خل ( 1/2 معلقة كبيرة) و نخلطها بردوا براحة لحد ما يختلطوا نوقف و نصب الخليط ف قوالب الكب كيك بتعمل تقريباً 6 أكواب من الكب كيك حجم كبير لو ف الميكرويف الكب الواحد بياخد دقيقة ف الميكرويف و لو حاطينا أكتر من كب ف المرة الواحدة بتزيد المدة لو 2 كب بياخدوا دقيقة و نص و لو 3 بياخد دقيقتين بس تسوية كل كب لوحده ف الميكرويف نتيجته أحلى و بيرتفع أكتر و بيبقة هش أكتر و لو ف الفرن باحط ف أكواب شاي سميكة أو صينية الكب كيك ف الرف الوسط على حرارة 200 لمدة 15 دقيقة و بيكون إستوى بنزينه بالكريم شانتيه.. نحط ف بولة صغننة 80 جرام كريم شانتيه بودر خام ( 1/2 كوب) عليه 125 جرام حليب مُثلج ( 1/3 كوب) و عليهم 40 جرام سكر ناعم الحبيبات ( معلقتين كبار) و نضرب بالمضرب الكهربا لحد ما يتقل و يبقة كريمة تقيلة و نحط الكريمة ف كيس حلواني و نزين بيه الكب كيك و نحط عليه صوص تشوكلت و بالهنا