ქართული სუვენირები პიაცაზე

ბათუმის პიაცაზე, საქართველოს კულტურისა და ძეგლთა დაცვის სამინისტროს პროექტის „სუვენირები საქართველოდან" ფარლებში ქართული სუვენირების გამოფენა-გაყიდვა გაიხსნა. სუვენირების ოსტატები თავად წარმოადგენენ საკუთარ ნამუშევრებს ღია ცის ქვეშ. ქართული სუვენირების ექსპოზიცია ბათუმის პიაცაზე 18-22 ივლისის ჩათვლით გაიმართება (12:00-20:00 სთ). გამოფენა-გაყიდვაზე წარმოდგენილი იქნება ორმოცდაათამდე ხელოვანის 1500-ზე მეტი ნამუშევარი; ტრადიციული ქართული ლურჯი სუფრა, სამუზეუმო თემაზე შექმნილი ქართული ჭედურობის ნიმუშები, ქართული კერამიკა, ნაქარგობა, თექა, ბატიკა და სხვა. ექსპონირებულ ნამუშევრებში მკაცრად არის დაცული ქართული სტილისტიკა: ტრადიცია, ორნამენტი, დამუშავების ტექნოლოგია. http://www.mcs.gov.ge http://www.facebook.com/culturegovge http://twitter.com/#!/CULTUREgovge http://www.youtube.com/user/culturegovge http://www.flickr.com/photos/culturegovge/ http://www.myvideo.ge/?user_id=855045