Kam Dee Talash Vich Malaysia Gayi Kuri Dee Lash Hi Muri - Sar Ke Kiti Hatya - 28.05.2012

ਕੰਮ ਦੀ ਤਲਾਸ਼ 'ਚ ਮਲੇਸ਼ੀਆ ਗਈ ਦੀ ਲਾਸ਼ ਹੀ ਮੁੜੀ - ਜ਼ਿਲ੍ਹਾਂ ਫਿਰੋਜ਼ਪੁਰ ਦੀ ਤਹਿਸੀਲ ਜ਼ੀਰਾ ਦੇ ਪਿੰਡ ਸਤੁਵਾਲਾ ਦੀ ਰਹਿਣ ਵਾਲੀ ਰਾਜਵਿੰਦਰ ਕੌਰ ਜਿਸ ਦੀ ਕਿ ਮਲੇਸ਼ੀਆ 'ਚ ਸਾੜ ਕੇ ਹੱਤਿਆ ਕਰ ਦਿੱਤੀ ਗਈ ਸੀ, ਬੜੀ ਹੀ ਮੁਸ਼ਕਿਲ ਨਾਲ ਐਤਵਾਰ ਨੂੰ ਉਸਦੀ ਲਾਸ਼ ਉਸਦੇ ਪਰਿਵਾਰਿਕ ਮੈਂਬਰਾਂ ਨੂੰ ਦੇ ਦਿੱਤੀ ਗਈ। ਲਾਸ਼ ਦੇ ਪਿੰਡ ਪੁੱਜਦੇ ਹੀ ਸਾਰਾ ਪਿੰਡ 'ਚ ਮਾਤਮ ਦਾ ਮਾਹੌਲ ਛਾ ਗਿਆ। ਇਸ ਦੌਰਾਨ ਅੰਤਿਮ ਸੰਸਕਾਰ ਲਈ ਜਦ ਰਾਜਵਿੰਦਰ ਦੀ ਲਾਸ਼ ਲੈ ਜਾਈ ਗਈ ਤਾਂ ਪਰਿਵਾਰ ਵਾਲਿਆਂ ਨੇ ਇਨਸਾਫ ਮਿਲਣ ਤੱਕ ਸੰਸਕਾਰ ਕਰਨ ਤੋਂ ਇਨਕਾਰ ਦਿੱਤਾ। ਮੌਕੇ ਦੀ ਨਜ਼ਾਕਤ ਨੂੰ ਵੇਖਦੇ ਹੋਏ ਪਿੰਡ ਵਾਲਿਆਂ ਨੇ ਰਾਜਵਿੰਦਰ ਦਾ ਸੰਸਕਾਰ ਕਰ ਦਿੱਤਾ। ਮ੍ਰਿਤਕ ਦੇ ਪਿਤਾ ਇਸ ਵੇਲੇ ਇਨਸਾਫ ਦੀ ਮੰਗ ਕਰ ਰਹੇ ਹਨ। 23 ਸਾਲਾਂ ਰਾਜਵਿੰਦਰ ਕੌਰ 2 ਮਹੀਨੇ ਪਹਿਲਾਂ ਹੀ ਕੰਮ ਕਾਜ ਲਈ ਏਜੰਟ ਜ਼ਰੀਏ ਮਲੇਸ਼ੀਆ ਗਈ ਸੀ। ਜ਼ੀਰਾ ਦੇ ਹੀ ਰਹਿਣ ਵਾਲੇ ਇਕ ਏਜੰਟ ਨੇ ਰਾਜਵਿੰਦਰ ਕੌਰ ਦੇ ਪਰਿਵਾਰ ਵਾਲਿਆਂ ਨਾਲ ਉਨ੍ਹਾਂ ਦੀ ਲੜਕੀ ਨੂੰ ਨੌਕਰਾਨੀ ਦਾ ਕੰਮ ਦਵਾਉਣ ਲਈ ਵਿਦੇਸ਼ ਭੇਜਣ ਲਈ ਸੰਪਰਕ ਕੀਤਾ। ਘਰ ਦੀ ਮਾੜੀ ਹਾਲਤ ਖਰਾਬ ਹੋਣ ਕਰਕੇ ਪਰਿਵਾਰ ਵਾਲੇ ਏਜੰਟ ਦੇ ਝਾਂਸੇ 'ਚ ਆ ਗਏ। ਪੰਜਾਬ 'ਚ ਜ਼ਿਆਦਾਤਰ ਨੌਜਵਾਨ ਆਪਣੇ ਘਰ ਦੀ ਮਾੜੀ ਹਾਲਤ ਨੂੰ ਸੁਧਾਰਣ ਲਈ ਇਨ੍ਹਾਂ ਏਜੰਟਾਂ ਦੇ ਚੱਕਰਾਂ 'ਚ ਪੈ ਕੇ ਵਿਦੇਸ਼ ਚਲੇ ਜਾਂਦੇ ਹਨ। ਫਿਲਹਾਲ ਵੇਖਣਾ ਹੋਵੇਗਾ ਕਿ ਸਰਕਾਰ ਇਸ ਪਰਿਵਾਰ ਨੂੰ ਕਦੋਂ ਤਕ ਇਨਸਾਫ ਦਿਲਵਾਉਂਦੀ ਹੈ। - ਮਲੇਸ਼ੀਆ, ਕੰਮ ਦੀ ਤਲਾਸ਼, ਏਜੰਟ,ਹੱਤਿਆ ,