Илм-фан: Чўчқа одамдан ҳомиладор қилинди

Америкалик олимлар илк бора чўчқа ҳомиласи ва одам тўқимасини чатиштиришди. Бир ойлик ҳомила ҳали жуда кичик. Лекин тиббий мақсадда инсон узвларини ҳайвонларда етиштириш йўлидаги муҳим қадам, дейилмоқда. Ҳайвонлар ичида танаси ва узвлари ҳажм ҳамда биологик жиҳатдан одамга яқин бўлгани учун чўчқа танланган. Лекин уруғлантирилган 2075та ҳомиладан фақат 186таси яшаб кетган. Яъни муваффақият даражаси жуда паст. Айримлар буни ахлоққа зид тажриба, деб аташади. Бироқ олимларга кўра, донорлар етишмаётган пайтда инсонлар учун зарур тана узвларини етиштириш жуда муҳим. Шунингдек, "чўчқа-одам" инсоният юз тутиши мумкин бўлган янги касалликларни олдиндан илғаш ва бартараф этишда ҳам ёрдам беришига умид қилинаётир. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.