黑膠唱片 - 門路訪問港膠所

門路App訪問-港膠所 絕版又古老嘅黑膠唱片，已經唔再係大叔同有錢人嘅專屬品味，港膠所Vinylhk老闆Kenny話，而家有啲90後都沉迷哥哥張國榮同Danny仔陳百強，仲要集中收藏佢哋嘅黑膠；只要不斷有新血加入，唔使多講，投資炒賣市場就會即時活躍。黑膠有幾大潛力？Kenny話佢嘅收藏總計，市值價足夠買到兩層樓。點解呢股「膠」味咁有吸引力？想「入坑」又有咩貼士？等Kenny話你知。 受訪者簡介: 黃志成Kenny 港膠所Vinylhk負責人 超級瘋狂黑膠發燒友，84年買咗第一張收藏品張國榮嘅《風繼續吹》之後，被黑膠嘅音色同設計所吸引。由儲偶像哥哥嘅唱片，去到收集唔同歌手嘅專輯，30幾年嚟總共收藏咗多達10萬張古今中外黑膠唱片。為咗同更多人交流同分享心得，幾年前開設網頁同實體店，希望將黑膠文化延續開去。