Hacıbala Abutalıbov: Azərbaycanda bir kişi var o da İlham Əliyevdir.

"Sovetski" sakinləri ilə keçirilən görüşdən sonra Bakı Şəhər İcra Hakimiyyətinin başçısı Hacıbala Abutalıbov əlil Vaqif Verdiyevin şikayətini dinlədi. Vaqif Verdiyev şikayətlərinə baxılmadığını və icra hakimiyyətinə getsə də başçının qəbuluna düşə bilmədiyini dedi. Hacıbala Abutalıbov da jurnalistlərin qarşısında Qaradağ rayonunun icra baçısına zəng edərək Vaqif Verdiyevi qəbul etməsini və şikayətlərinə baxmasını tapşırdı.Vaqif Verdiyev isə bundan mütəəssir olaraq "Hacıbala müəllim, burada iki kişi var. Bir siz, bir də İbrahim müəllim (Yasamal rayonunun icra başçısı İbrahim Mehdiyevi nəzərdə tutub)" dedi.Hacıbala Abutalıbov isə Vaqif Verdiyevin bu sözlərinə cavab olaraq "yox, elə deyil, bu ölkədə bir kişi var, o da cənab prezidentdir" deyib.