《故鄉。生活。台語詩》第94集

節目名稱：故鄉。生活。台語詩 播出日期：108年7月22日-109年3月27日 播出時間：週一至週五上午7:00-7:10 播出頻道：曾文溪廣播電台FM89.9 指導補助：文化部影視及流行音樂產業局 製作主持：曾文溪廣播電台 / 嘉仕 節目官網：http://www.fm899.com.tw/poem 粉絲專頁：http://www.facebook.com/poem899 留言抽獎：https://www.fm899.com.tw/comment 美術設計：吳靜芳 動畫設計：潘淑珍 影片製作：賴宇靖 音樂提供：陳婉菱、上揚唱片 Special thanks to Bronn Journey for the wonderful music Journey Home：https://bronnjourney.com 【詩名】：吳家的阿娘 【作者】：凃妙沂 【詩文】： 佇日本時代的煞尾 窟雷拉位新莊的巷仔底流行 惦惦旋過楊桃樹尾 美麗的阿娘破病昏倒佇楊桃樹跤 莊內無人敢去看護美麗的阿娘 干焦有楊桃花恬恬跋落來 美麗跪佇前埕懇求月娘救阿娘 傷心的目屎滴落佇楊桃花蕊 吳家的阿娘心腸親像天頂的月娘 伊共九歲的囡仔囥佇楊桃樹跤 家己一人去看護美麗的阿娘 幾日幾暝無看著天頂的月娘 美麗的阿娘逗逗仔好起來 吳家的阿娘欲行路轉去 猶未行到楊桃樹跤就倒落去 孤單的楊桃樹 吳家的小妹仔嚶嚶哮 阿娘無轉來厝內 阿娘攏無轉來厝內 吳家的三兄揹著伊的小妹 小妹仔你毋通哭 小妹仔你毋通哮 阿娘去天頂月娘伊兜 你若哭，目屎會糊著目睭 你就袂當看著阿娘 阿娘佇天頂月娘伊兜 笑微微看你大漢 ※原作華語榮獲2003年南瀛文學獎現代詩獎第一名 ※2011.11.20改寫為台語 註：台語文用字尊重作者原創，不做更動，如有疑問請查詢教育部《臺灣閩南語常用詞辭典》網站。