གནམ་ལོ་གསར་ཚེས།

མི་རིགས་ལ་བརྩེ་བ་ཟབ་ཅིང་། རིགས་བརྒྱུད་འདིར་དུང་ཞེན་ཆེ་བའི་གླུ་བ་བསོད་ནམས་རིན་ཆེན་ནི། བོད་མདོ་ཁམས་སྡེ་དགེའི་མཁར་གསུམ་མདོར་སྐྱེས་ལ་ཆུང་དུས་ནས་གླུ་གར་ལ་དགའ་ཞིང་། ལྷན་སྐྱེས་ཀྱི་སྐད་ངག་སྙན་མོ་ཡོད་པ་ལ་བརྟན་ནས། ད་ཆ་ཕ་སྐད་གཙང་མའི་བརྙན་འཁོར་ཆེད་བསྒྲིགས་ཞིག་སྤེལ་ཡོད་པ་ལས་གླུ་གཞས་དགུ་པ་གནམ་ལོ་གསར་ཚེས་ཞེས་པ་དེ་ཡིན། རྗེས་སུ་མུ་མཐུད་རང་རིགས་ཀྱི་རྩ་ཆེའི་རིགས་གཞུང་དང་ཁ་བ་གངས་ཅན་པའི་སེམས་ཁམས་མཚོན་­པའི་གླུ་གཞས་སྙན་མོ་གང་མང་ཞིག་འབུལ་རྒྱུའི་ཆོད་སེམས་བརྟན་པོ་མཆིས་པས། ཤ་དང་རུས་པ་གཅིག་ཅིང་། ལས་དང་སྨོན་ལམ་མཐུན་པའི་བོད་རིགས་སྤུན་ཟླ་ཡོངས་ཀྱིས་རྒྱབ་སྐྱོར་སྐུལ་འདེབས་ཡོང་བའི་­རེ་སྨོན་ཞུ།