Гейлар мажбуран жинсий аъзоси кесилиб, аёл қилинмоқда

Гей эркаклар агар бу йўлдан воз кечмаса, мажбуран аёлга айлантирилмоқда. Акс ҳолда, уларни ўлим кутади. Бу ҳаммаси Исломий Эронда содир бўлаяпти. Эронда гей, яъни бесоқолбоз эркак дорга тортилади. Исломий ҳукумат гейларнинг ўлимдан омон қолишлари учун битта йўл таклиф этади. Яъни агар гей киши ўзининг "касаллигини" ибсотласа ва шифокорлар уни гей эмас, балки хаста, деб топишса, давлат ҳисобидан жарроҳлик ўтказилади. Шу асно, эркак жинси аёлга айлантирилади ва у тирик қолади. Кўпчилик оилалар буни исташмаса ҳам, балоғатга етган ўғилларини қатлдан асраб қолиш йўлида уларни жинсини ўзгартиришга ундайдилар. Эрон расман ҳеч кимни жинсини алмаштиришга мажбурламаслигини айтади. Бироқ мавжуд ўлим жазоси одамларни бу каби азобли ва кескин қарорга мажбурламоқда. Жинсини ўзгартирган аксар эркаклар эса, барибир, жамиятда ўз ўринларини топишолмайди, ҳатто ишга киришлари қийин. Айримлар эронликлар эса қўшни Туркияга қочиб ўтишмоқда. Би-би-си мухбири Али Ҳамадоний лавҳаси. Би-би-си Ўзбек хизматининг видеоларини www.bbcuzbek.com да ҳам кўришингиз мумкин.