Falam Pathian Hla thar 2019 - A SANG BIK - Henry Ft. Andrew

Hi ka hla thar " A Sangbik " hi Pastor Andrew Thawng Lian Thang ih thahnemngainak zarah thehsuah a si hi ka lungawi zet. A home studio ah amah in music mawi zet in in tumsak hleiah, in sakpi, mixing le video tiang mawiten in tuahsak ih a parah ka lungawi zet. Video hi innkhan sungte ih kan zuk mi a si ruangah a quality a niam deuh nan, thlirtu mipi in a thu le hla sawn ah thazang nan ngah ka beisei. A ngaitu zaten Pathian in a thar in lo thlawsuah cio hramseh. A SANG BIK Phuahtu: Henry vl Hmangaih Saktu: Henry vl Hmangaih & Andrew Thawng Lian Thang Music, Recording & Mixing: Andrew Thawng Lian Thang Verse 1 Kei cu ee misual fihnung za ka si, Ka hring nun ah suan ding a um lo; Sihmanseh Pathian in in duhdawt, Ti ka ruahah lungawinak in ka khat Chorus Ka tlun ih Bawipai' zangfah lainatnak, Thukin a sang hlei e ziangdang hnak in; An sim le rel hnak in in duhdawt sawn, A tawpkhawk, a sangbik in duhdawtnak Verse 2 Kei cu thiamnak tlinnak ka nei lo, Pathian minung lakah tebik ka si; Sihmanseh ka Bawipa'n in hril hrim, Muvanlai bang cak le no in i umter. Verse 3 Bawipa cu ka fimnak le mawinak, Ka thazang, felnak le thianhlimnak; Thlua le tlang cim in siatbal hmanseh la, Bawipai' in duhdawtnak a cem thei lo. Ngaitu zaten Pathian in lo thlawsuah hramseh. Hminsin: Youtube le facebook, channel dang ah a neitui' siannak tello in post sian a si lo. #FalamPathianhlathar #Thulehlarobawm #Henryvlhmangaih