АҚШ Ўзбекистондаги бемор болаларга озиқ-овкат тақсимлади

Ўзбекистон Янгиликлар Ўзбекистонда 107 даволаш муассасаларидаги 20 мингта беморларга, шу жумладан (болалар учун) "Мурувват" ва "(қариялар учун) "Саховат уйларидаги беморларга 112 тоннадан ортиқ витаминларга бой озиқ-овкат махсулотлари тақсимланади. Бундай ёрдам Ўзбекистон давлати билан ҳамкорликда АКШнинг халқаро ривожланиш агентлиги (USAID) томонидан амалга оширилмоқда. Изоҳ АҚШ юргизаётган сиёсат инсонни хайрон қолдиради. Гоҳ АҚШ Ўзбекистонда инсон хуқуқлари бузилаётганини оламга жар солаётган бўлса, гоҳ Каримов билан дўстона муносабатда бўлаётганини, гоҳида эса Ўзбекистондаги бемор болаларга ёрдам бераётганига гувоҳи бўлишимиз мумкин. Янада ажабланарлиси шундаки Ўзбекистон худуди фақат саҳродан иборат эмас. Чунки Ўзбекистон ҳар-ҳил мева боғлари билан дунёга танилган ва унда етарлича сабзавотлар етиштирилади. Унда нима учун биз дунёни бошқа бир бурчагидаги давлатни ёрдамига муҳтож бўлишимиз керак? Нима учун қўшни Афғонистонга уруш ва вайронагарчиликлардан бошқа ҳеч нарса тақдим этмаган давлатдан ёрдам кутишимиз керак? Нима учун мева ва сабзавотларга бой бўлатуриб Ўзбекистон ўзидаги болаларни боқа олмаяпти?